- Muassasa rahbariyati har yili avgust oyida o‘quvchilarni o‘qishga qabul qilish ishlarini tashkil etadi.
O‘quvchilar muassasaga yo‘nalishlar kesimida vazirlik tomonidan ajratilgan qabul kvotalari doirasida o‘qishga qabul qilinadi.
Qabul kvotalari muassasaning quvvati, moddiy-texnik bazasi, mutaxassis kadrlar bilan ta’minlanganlik darajasi, ta’lim yo‘nalishlari bo‘yicha talab va ehtiyojlarni inobatga olgan holda shakllantiriladi.
- Muassasada qabul sinovlari o‘tkazish uchun direktorning buyrug‘i bilan kamida besh kishidan iborat tarkibda qabul komissiyasi tuziladi.
- Qabul komissiyasi tarkibiga muassasa direktori, mas’ul kotib, direktorning o‘quv-ma’rifiy ishlar bo‘yicha o‘rinbosari va tajribali pedagoglar kiritiladi. Muassasa direktori qabul kamissiyasi raisi hisoblanadi.
- Muassasaga o‘qishga kirish uchun o‘quvchining ota-onasi tomonidan
1 avgustdan 26 avgustgacha qabul komissiyasiga quyidagi hujjatlar taqdim etiladi: - a) o‘quvchilarni o‘qishga qabul qilish bo‘yicha ariza (ta’lim yo‘nalishi ko‘rsatilgan bo‘lishi kerak);
- b) o‘quvchining tug‘ilganlik haqidagi guvohnomasi nusxasi;
- v) tibbiy ma’lumotnoma;
- g) 3 x 4 o‘lchamli 2 ta fotosurat.
- Qabul sinovlari har yili 31 avgustgacha o‘quvchining ijodiy qobiliyatini aniqlash maqsadida o‘tkaziladi.
Qabul sinovlari qabul komissiyasi huzurida o‘tkaziladi. Qabul sinovlari bir marta topshiriladi, qayta topshirishga yo‘l qo‘yilmaydi.
- Qabul komissiyasi o‘quvchining ota-onasini arizasida ko‘rsatilgan ta’lim yo‘nalishi bo‘yicha uning quyidagi ijodiy qobiliyatini qabul sinovlarida aniqlaydi:
musiqa yo‘nalishi (fortepiano, torli cholg‘ular, estrada cholg‘u ijrochiligi, xalq cholg‘ulari, damli va zarbli cholg‘ular, an’anaviy cholg‘u ijrochiligi, an’anaviy xonandalik, akademik xonandalik, estrada xonandaligi) bo‘yicha musiqa ritmiga moslashishi, qo‘shiq aytishi, musiqani eshitishi va eslab qolishi;
san’at yo‘nalishlari:
xoreografiya bo‘yicha jismonan ma’qulligi (tana va oyoqlarning egiluvchanligi), ritmga moslashishi, musiqani eshitishi;
tasviriy va amaliy san’at mutaxassisliklari bo‘yicha tasavvuridagi
narsa-buyum yoki manzarani chiza olishi;
teatr san’ati mutaxassisliklari bo‘yicha she’r yoki monologni yoddan ifodali o‘qishi va ovoz yoki harakatga nisbatan taqlid qila olishi.
baxshichilik san’ati bo‘yicha, xalq og‘zaki (dostondan parcha) ijodidan namuna kuylash, inprovizatsiya. Musiqaga moslashish.
- O‘quvchining sinovdan o‘tgan yoki o‘tmaganligi qabul komissiyasi a’zolarining ochiq ovoz berishi yo‘li bilan aniqlanadi. Qabul komissiyasi a’zolarining ko‘pchiligi ijobiy ovoz bergan taqdirda o‘quvchi qabul sinovidan o‘tgan hisoblanadi.
Qabul komissiyasining raisi barcha a’zolardan so‘ng ovoz beradi. Ovozlar soni teng bo‘lib qolganda qabul komissiyasi raisining ovozi hal qiluvchi hisoblanadi.
- Qabul komissiyasi o‘quvchini o‘qishga qabul qilish yoki qabul qilmaslik to‘g‘risida qaror qabul qiladi.
Birinchi sinfiga qabul qilingan o‘quvchilarni musiqa cholg‘ulari bo‘yicha taqsimlash huquqi komissiya a’zolariga beriladi.
Qabul komissiyasining ijobiy qaroriga asosan muassasa direktori o‘quvchini o‘qishga qabul qilish to‘g‘risida buyruq chiqaradi.
- O‘quvchilarni o‘quv yili davomida o‘qishga qabul qilishga yo‘l qo‘yilmaydi, boshqa (ota-onasining bir hududdan boshqa hududga ko‘chib ketishi yoki ishga o‘tishi)
bolalar musiqa va san’at maktabidan o‘qishi ko‘chirilgan o‘quvchilar bundan mustasno.
- 10. Muassasada o‘quvchilar kontingenti bir yilda bir marotaba - sentabr oyida tasdiqlanadi.
